友誼可解壓 王梓軒組會箍歌迷
09年樂壇新人王梓軒（Jonathan）披荊斬棘勇奪多個獎項，謙虛的他承諾會繼續努力創作好歌，更會正式成立歌迷會，以回報歌迷的厚愛。
Jonathan去年橫掃頒獎禮多個新人獎項，成績斐然，不過他沒有因而驕傲，反而視獎項為警惕：「我唔太介意有冇獎攞，反而在乎獎項帶嚟嘅工作機會。人人都話入樂壇頭一年係Honey moon Year，2010年會對自己有更嚴格要求，音樂製作進度要快啲，平時言行舉止都會執正啲。」今年他將會成立歌迷會，以答謝fans一直的支持，正因為並非大熱爆出，fans仍肯花時間認識他，Jonathan認為是時候畀個名義給fans。
製作的喜悅
新一年Jonathan希望繼續創作令人印象深刻的作品，工作不會令他有壓力，他非常enjoy：「由音符到製作出一首單曲，嗰種喜悅真係難以形容，付出係值得嘅。」工作以外他靠友誼解壓，朋友圈子甚廣的他連幼稚園同學仍有保持聯絡：「想做一個成功藝人可以好孤獨，唔主動伸出手，咁一段友誼好容易甩咗，其實對自己重要嘅人永遠可以抽到時間出嚟見面。」
文：專案組
攝影：馬永堅
場地：Blessing Cafe