鍾舒漫外冷內熱甜品氹細路

Sherman、William、馬國明及楊思琦齊以「麥當勞叔叔之家獎券義賣大使」身份，到位於沙田的兒童院舍作探訪。雖然Sherman樣子甚cool，但院中的病童卻最黐Sherman，不時攬住她要陪玩。Sherman表示以往常做義工，見院舍內設有書架，她就打算將家中的舊書轉贈給院舍，既環保又有意義。

Sherman覺得社會中的弱勢社群需要幫忙，其中她最關注小朋友及長者。她又說自己最叻炮製甜品氹細路及老人家，既便宜又人人鍾意，所以她最想送贈親手造的甜品給受訪人士。

陳偉霆悲喜交集

William在活動中最早到場，雖然他要趕拍MV，但寧願犧牲休息機會，騰出更多時間和小朋友玩。他說：「我已經係第二年擔任大使，之前都嚟過呢度，最開心係聽見有啲小朋友康復出院，但亦有啲小朋友不幸病逝。」

馬國明表示常和家姐做義工，之前試過帶小朋友去旅行，不過近年太忙，就交由家姐代勞。問他和小朋友相處心得？他說：「小朋友好敏感，去探佢哋一、二次，但冇探第三次，小朋友就會諗係咪被人討厭，呢方面要小心處理。」而楊思琦就因是甜姐兒關係，大受小朋友歡迎。

採訪：音樂組