鄧麗欣尋住家男覓幸福

今年廿六歲的Stephy仍屬單身一族，她表示入行後圈子變得好窄，也不察覺身邊有追求者，她笑說：「好耐都冇，做咗藝人後都少咗出街，識來識去都係嗰班。（公司呢？）公司啲人真係難啲。（你唔擔心咩？）咁又唔擔心，到咗適合時候，如果唔對路咪出多啲街囉。」

填補缺陷

Stephy希望三十歲結婚生仔，另一半要跟她有共同理念，大家才可以攜手組織美滿家庭：「我喺單親家庭長大，小時候對婚姻有陰影，影響到我唔想結婚，不過人大咗思想會改變，就希望自己能夠有個幸福家庭，填補番細個失去嘅嘢。」

想生兩個

喜歡小朋友的Stephy，有信心將來做個稱職媽咪：「最理想係生兩個，一仔一女。」但她不考慮做全職媽媽，因時下的職業女性有能力兼顧事業與家庭。談及擇偶條件，Stephy目標訂定「住家男」：「佢要同我一樣鍾意家庭先得，否則好難開花結果，以前有個男朋友佢連將來都冇諗過，咁點會有安全感，點發展落去呢？」

文：音樂組

場地：海港城

服裝：Nan Fang Di NiT

Hair：Vince Pang@IL Colpo（TST）

Styling：Karen