JC大眼警鐘雙料發電

前晚Jessica C.和狄易達一同出席品牌「5 GUM」舉行的活動，兩人更即場表演勁舞。Jessica C.的舞姿意態撩人，難怪令狄易達也着迷。狄易達表示早前已和Jessica合作過，並大讚對方相當吸引，他說：「佢雙眼好大，我自己本身好鍾意大眼嘅女仔，加上佢成個樣都好靚，所以我望得耐都要望第二度，佢好似連眼眉都識講嘢咁！」

英文對談心驚驚

記者笑言Jessica的焦點是一對警鐘胸，已被「迷惑」的狄易達傻笑回應：「係囉係囉！（有冇畀佢電親？）我驚自己英文唔好，頭先同佢講嘢都驚驚哋呀，都係盡講咋！」

狄易達自嘲英文唔好，與Jessica C.溝通有難度。

舞王狄易達在場亦大顯身手。

男友殺死飛來蜢

至於大跳扭腰舞的Jessica C.就表示事前沒有特別練習過，只是隨着音樂節拍而跳，她謂平日也會和男友出外跳舞消遣。問到有沒有飛來蜢埋身騷擾？她即笑說：「冇，如果有嘅話，相信我男朋友會殺咗我，亦都會殺埋個男仔，我同男友一齊出去玩，我會好尊重佢，唔會同其他男仔玩。」那可有試過遭博懵非禮？她說：「咁好彩冇，因為每次都有好多朋友保護我，而且我都唔敢自己一個人去玩，一定要同埋其他人。」

文：名人組