古天樂迷上射擊急訂槍

古天樂與吳彥祖（Daniel）於英皇電影《鎗王之王》中飾演射擊高手，為了演得入型入格，兩人在拍攝前下了不少苦功，古仔表示：「我睇咗好多參考影帶，而拍嘅時候一方面要配合拍攝角度，另一方面又要保持最型嘅狀態，所以難免會受傷，記得其中一場戲我要喺沙地上擦過，幾次來回拍攝搞到手擦傷晒，亦因為要遷就拍攝角度，喺最後一次拍攝嘅時候，我仲扭傷咗。」雖然如此，但古仔仍迷上這項「實戰射擊」運動，並急不及待訂了一支「Dream Gun」。
古天樂迷上「實戰射擊」運動。
古天樂迷上「實戰射擊」運動。

Daniel則覺得今次拍《鎗》片，與平日拍攝的槍戰場面相當不同：「導演為咗我哋可以有正確嘅開槍姿勢，仲特登請咗真正嘅香港槍王嚟教我哋。而我喺屋企亦練習咗幾千次換彈匣、拔槍等動作，喺嗰段時間朋友都以為我傻咗！」

吳彥祖勤練有功，開槍姿勢十分有型。
  • 吳彥祖勤練有功，開槍姿勢十分有型。