Anjaylia揀定靚車學駕駛
今年剛過18歲的「新邦民女」陳嘉寶（Anjaylia），憑廣告清純形象火速上位，更孖住好姊妹蔡穎恩（Evelyn）密密接廣告，收入大增。向來是慳家學生妹的Anjaylia，因每日要逼港鐵上學，為節省時間，最近有意考車牌、買新車。
日前中午時分，打扮樸素的Anjaylia與助手到駕駛學校報名學車，更在教車師傅輔助下，進行初次路面實習，免費繞了兩個圈。Anjaylia之後便急不及待與助手前往Mini Cooper陳列室睇車，並睇中一架價值20多萬元新車，心急的她除影下靚車外形，更試坐司機位，仔細研究車內設備，睇足半小時才離開。
事隔數日，Anjaylia與Evelyn逛街，Evelyn不消五分鐘購得心頭好，但Anjaylia可能想及早完成買車夢，兩手空空沒有任何斬獲。