黎燕珊投票踢顏子菲出「仁美」

黎燕珊看過有關報道後，昨再向記者問明顏之回應是否一字一句都是她親口說，當得悉回應屬實後，阿珊覺顏子菲很有問題，並稱要以會長兼亞姐大師姐身份勸導對方外，還要開會投票是否將顏子菲逐出「仁美」。她說：「顏子菲話個男人有老婆都唔緊要，唔計名分嘅說話，都好唔啱，當局者迷，局中人會好迷惘，對下一代都有唔好嘅影響，其實選美第一日，我已經同亞視講，要教班亞姐點樣處理形象問題，『仁美』係想提高亞姐形象，所以會嚴厲執行亞姐破壞形象嘅事。」

對於顏子菲的印象，阿珊說：「我幾鍾意呢個女仔，佢做嘢認真亦好nice，雖然呢啲係佢嘅私生活我唔想插手，但我都會勸解佢，即使佢唔做呢行，有呢個不顧後果嘅心理都唔啱。」此外，阿珊日前以契女身份與一眾約二十位昔日亞視員工，為邱德根舉行神秘生日會，令老人家開心不已。