素顏超盈拖男友夜遊
賭王何鴻燊與四太梁安琪的長女何超盈，為方便跟父親見面，近年從英國回流返港讀書，與拍拖兩年的男友Greg分隔異地。雖然超盈現時專心學業，但早前男友從英國返港探望，她亦做足女友本分盡量相伴。
買碟解悶
日前晚上十一時許，二人相約到銅鑼灣拍拖行街，超盈為配合男友的平實打扮，當日亦刻意打扮樸素，更不施脂粉以真面目示人，只戴上巨型近視眼鏡遮掩素顏。二人於附近一間影碟舖行逛，逗留約十分鐘，超盈已揀選了數隻心水唱片，並自行往櫃枱付款。離開時，超盈還主動翹着男友手臂於街頭漫步，十分甜蜜。
相隔數天，超盈趁着男友離港前，識做地相約數名友人到尖沙咀棉登徑一間樓上酒吧為他farewell。雖然當時有朋友在場，但二人仍像連體嬰般黐到實，其後一行人搭𨋢上樓消遣。
滿意成績
事後超盈接受本報電話訪問，雖然對感情事不欲多談，但當提到學業方面，她表示：「其實我真係好畀心機讀書，對Marketing（市場學）好有興趣，最近收到成績單分數好好，所以打算出年主修，Daddy都好贊成。」
文、攝：追蹤組