江欣燕童顏魔女引死80後型男
43歲的江欣燕打正中女旗號殺入纖體行列！早前欣欣率三位80後外籍型男拍攝廣告，竟被誤以為是o靚模，令欣欣啼笑皆非，更大方公開其索爆秘笈。
江欣燕雖然出道24年，但皮膚仍保養得又白又滑，最近更獲悅榕莊邀任纖體代言人，成功修身後，33C、24、34的fit爆比例更勝從前，難怪被封「童顏魔女」！
年齡再無意義
早前欣欣與三位年約20歲的外籍男模到元朗一間千呎豪宅拍攝電視廣告，由於三位型男完全不熟悉香港娛樂圈，瞬眼看還以為欣欣是o靚模，對她甚感興趣，欣欣笑說：「佢哋當咗我係o靚模，以為我係啱啱出嚟嘅新人，不停同我傾中環夜蒲趣事，當知道我大佢哋20年即刻嚇呆咗。」
欣欣大方公開自己年齡秘密，還自信十足地說：「我去到外國賭場，佢哋成日以為我未成年唔畀我入。我要同一眾中女講，其實依家呢個年代，年齡數字只係要同政府交代，冇乜特別意義，心態年輕更加重要，蘇民峰都話我依家狀態仲好過30歲前，我都覺得係。」
鑽石T-back晒料
拍攝當日天氣乍暖還寒，欣欣為騷美好身段，被安排穿上一件三點式泳衣及鑽石T-back超短裙騷三吋「事業線」，而應劇情需求，三位男模要不停吹口哨，想不到附近的鳥兒誤以為是同類發出的求偶訊息，竟然跟隨口哨聲不斷回應啼叫，欣欣笑說：「因為我哋喺泳池邊取景，室外環境唔止有雀仔聲，仲有好多蚊子，好彩佢哋好乖淨係咬背脊，冇咬胸或腳影響拍攝進度。」
文：專案組