阿滕否認失控保米路
宣萱、商天娥、滕麗名（阿滕）、陳美詩、陶大宇、林保怡與小演員譚真一昨日宣傳無綫新劇《掌上明珠》，近日被指受郭政鴻玩弄感情而情緒崩潰的阿滕，表現並無異樣，更主動上前替甩褲鏈的譚真一拉褲鏈。
阿滕否認被玩弄感情而情緒失控：「之前去溫州登台表演失準，鬱悶咗幾日。（唔係為感情咩？）冇嘢發生過，不嬲冇嘢發生。」阿滕強調目前單身，與郭政鴻由始至終是好朋友，至於會否進一步發展則不想多講，免愈描愈黑。報道後阿滕曾SMS與郭政鴻講唔好意思：「大家唔好再咁寫，斷晒我啲『米路』，我都有追求者嘅！」
宣萱、大宇異口同聲否認阿滕情緒有異，大宇指阿滕識得處理：「佢今日玩得咁癲，邊似有病。我都係睇雜誌先知郭政鴻有老婆，問起佢，佢話係事實，其實做咗爸爸都幾好，多啲動力。」