舒淇Cute爆冧樣吸宅男

不少80後o靚模都有成為網上遊戲的代言人，繼周秀娜和鄺敏慧早前獲宣布為遊戲代言人，以Cosplay造型搶fans後，貴為影后的舒淇亦宣告以34歲的高齡加入戰團，而楊千嬅、熊黛林和Jessica C.亦將相繼殺入！

嘟嘴施展冧功

早前，舒淇被Go Yeah創辦人張寶華睇中，獲度身設計網上遊戲《淇迹》，成為首位影后級代言人，Online game新一浪激戰正如箭在弦！為此，忙於拍攝電影的舒淇，秘密抽空為代言的遊戲拍攝照片，以運動、透視、OL等不同造型上陣，為配合遊戲需要，舒淇更罕有向粉絲施展冧功，展現Cute爆冧樣，如嘟嘴飛吻、扁嘴扭耳仔等大頭照，卡娃兒程度媲美80後o靚模。

舒淇代言網上遊戲，形象百變。

拍攝網上遊戲照片時，舒淇展現cutie的一面。

會粉絲搞親民

對於拍攝工作，舒淇表示有回到小時候的感覺：「做嘅表情、動作都好可愛同埋誇張，好似我喺網上打麻雀嘅時候，輸咗同贏咗都有唔同嘅誇張表情。」首次殺入網上遊戲界，舒淇預告或會跟粉絲見面：「我會每日上網查看排行榜，如果反應熱烈嘅話，我都想同佢哋見面或聚會。」大打親民牌！此外，舒淇更自爆兒時的偶像是張學友：「非常非常鍾意學友，試過連續三晚夢見佢，喺夢裏面佢仲係我嘅男朋友！」至於心目中的女神，舒淇則選鞏俐和張曼玉。

文：名人組