陳偉霆學跳舞買重保險
陳偉霆（William）昨日為新碟舉行簽唱會，獲媽咪和姨婆撐場，當fans上台玩遊戲時，William親自教他們跳繩、舉啞鈴和sit up，還手篤篤女fans的二頭肌，令fans冧爆。
William透露將遠赴美國，閉關一個月學跳舞，他說：「今次跟星級排舞師學電影《因乜差事跳跳跳》嘅高難度舞蹈，因為有危險性，所以屋企人幫我買重保險，自己都驚驚哋。（學費貴唔貴？）連使費大概4、5萬，我覺得好划算，因為排舞師好出名，曾經幫韓國組合Big Bang排舞。」問會否趁機識個外國少女？William說：「每日上堂12個鐘，完全唔諗呢啲。」