基仔三日瞓一覺無暇造人
古巨基、鄭融、鍾嘉欣、陳偉霆、洪卓立、鍾舒漫等前晚出席《2010勁歌金曲優秀選第一回》，基仔憑《周星呢》分別贏得金曲及「最受歡迎廣告歌曲獎」共兩個獎項。基仔得獎後謙稱：「要多謝廣告商，令到呢首歌廣為人知。（你喺台上用古Sir金句話：「側田食Kimchi，好想生ＢＢ」，咁你幾時生Ｂ？）我都冇食Kimchi，況且我好忙，又內地又香港，好奔波，三日瞓一次覺，生暗瘡都冇時間。」
以性感低胸裙示人的鄭融與鍾嘉欣憑《愛得起》贏金曲獎，嘉欣更以《明爭暗鬥》共捧走1.5個獎，嘉欣說：「我好鍾意唱歌，就嚟要傾新唱片公司合約，一切睇ＴＶＢ決定。（問林峯攞意見？）合約好個人，唔會問人，都唔啱規矩。」
