嘉欣埋樂基兒堆開畫展
黎明的老婆樂基兒、緋聞舊情人李嘉欣都屬高品味一族，原來兩個靚女亦趣味相投，愛畫畫畫上癮，將來大可一齊開畫展拍賣做善舉。但嘉欣自言畫功不及老闆娘，僅幼兒班水準。
自從黎明（Leon）去年與「舊愛」嘉欣合作電影《十月圍城》後鮮有碰頭。Leon昨日為聯合國兒童基金會領軍，帶領旗下藝人衞蘭、Janice Man、應昌佑、李治廷、王歌慧及嘉欣為青海地震四出義賣籌款。已榮升少奶奶的嘉欣，更先後在銅鑼灣及尖沙咀戶外與Leon進行街頭義賣公仔籌款。
夫妻同心
被Leon收歸旗下公司的太太樂基兒（Gaile）未被安排出席今次籌款活動，反而派出「舊愛」嘉欣，問到是否怕三人同場風頭會蓋過大會主題時，Leon笑說：「《東方日報》已經講晒，佢哋報道好正確，所以我唔再答嘞！（係咪夫妻同心？）我做咪等如佢做囉！咁一個家庭做好自己要做嘅嘢，唔需要double（重複）架！」
Leon嫂Gaile愛好畫畫眾所周知，就連「舊愛」嘉欣都變畫壇新丁。身為許家媳婦的嘉欣一樣晒幸福，自爆閒時亦像Gaile愛上畫畫。問到可有私下為青海災民捐款？嘉欣表示有私下捐錢，身邊朋友亦知道她有學畫畫，更叫她儲下作品，將來義賣籌款。提到Gaile亦有畫畫，哪麼豈不是可計劃一齊開畫展？嘉欣說：「OK呀，一齊開仲可以賣高啲，而且我哋仲同公司添！但我學咗年幾咋，都係畫咗四幅作品，我啲畫同佢碰埋一齊，我啲只係BB班呢。」
拒畫老公
問嘉欣可想約老闆娘Gaile切磋畫技？她謂：「其實都同一間公司，畫畫都係隨心做，冇話約唔約，我哋都成日有機會見到面嘅。」再問她可有畫老公許晉亨？嘉欣笑言：「我冇畫過人，全部都係畫風景同鍾意嘅嘢。（自畫呢？）都唔會啦，或者畫下寵物啦。上年年尾我兩隻寵物都離開咗，或者望住啲相畫佢哋啦。」
文：音樂組