梁政珏晒胸示威開闢事業線

薛凱琪（Fiona）與房祖名的緋聞一直糾纏不清，直至上月中，本報在蘭桂坊拍得Fiona與梁政珏男友Eri Chu於凌晨甜蜜夜蒲，當被在場傳媒撞破好事後，Eri Chu尷尬得即時彈開走先。據知報道出街後，梁政珏與男友吵大鑊鬧分手，並相約譚詠麟力捧新人王宗堯拍拖行街。

為向男友示威兼晒薛凱琪所欠的豐滿身材，之前揚言要封胸的她，前晚以五位數字酬勞在尖沙咀酒吧行泳衣騷，穿上三點式34D上圍盡現，除了吸引不少龍友捧場外，連亞洲星光大道兩位前參賽者羅迪龍與李明寵亦用手機狂影。

薛凱琪

房祖名

王晶深夜密斟

梁政珏接受訪問時，被問到是否有意走性感路線？她說：「總之，咩都想試下。（有報道話你畀Fiona撬牆腳？）當日一大班朋友出嚟玩，呢啲係好閒嘅事。」當追問她與Eri情侶關係可有變，她竟強調：「我係單身，都單身咗三年。」完全不認與Eri拍過拖，但就話之後遇見Fiona一定不會尷尬，她續說：「其實我同佢之前合作過，不過，唔知佢記唔記得我。」

完騷後約凌晨一時，門外已停泊一部價值逾五十萬元平治四驅車在等候梁政珏，她登車與專誠來捧場的好友莊思敏往附近酒家消夜；不久，導演王晶即乘車到上址會合。據知，王晶一直視梁政珏為愛將，早前已安排在電影《美麗密令》演出，前晚秘密來撐她場，更請食消夜，難怪她發現男友夜會Fiona亦處之泰然，全力專注事業好過。梁政珏與王晶食足一小時，約凌晨二時多，一名西裝男子載她過海到中環鏞記門外，男子先下車離開，梁政珏坐回司機位駕車返回跑馬地嘉苑豪宅。據車輛資料登記紀錄，該平治為其富爸爸梁衞民所持有。

王晶秘密撐梁政珏（右）場，之後兩人再往消夜。

身家豐厚的梁政珏，家住半山，消夜後駕駛平治四驅車回家。

薛凱琪不過問

至於薛凱琪得悉二人分手，她在電話說：「我同Eri係識咗好多年，根本上一直都係朋友關係，我唔知佢有個圈中女友，亦唔會問人家感情事，反而報道出街後，Eri有打畀我say sorry，話唔好意思拉咗我落水。」

梁政珏不介意性感行騷，卻無意拍寫真。

同樣出身富裕家庭的莊思敏與梁政珏，果然十分老友。

文、攝：追蹤組