霆鋒細B旺老竇千萬拍劇
即將再為人父的謝霆鋒被利誘，考慮「拋妻棄子」兩個月，潛赴內地開工搵奶粉錢，張栢芝腹中塊肉未出生已帶旺爸爸荷包腫脹，果然好腳頭！
謝霆鋒憑反應奇佳的《十月圍城》連奪兩個「最佳男配角」獎項，令他對自己在影壇發展倍添信心，曾向經理人公司表示想集中火力接多些好電影；相反對接拍電視劇的興趣「急轉直下」，但最近卻有內地製作單位出動八位數人民幣的「天價」，望霆鋒能騰出兩個月左右的空檔，夥拍蔡卓妍及關智斌到橫店開拍三十集古裝新劇《劍俠情緣》，初定七月左右正式開鏡。
霍汶希認有此事
這招銀彈政策果然奏效，據悉霆鋒以搵奶粉錢為大前提，考慮「破例」首肯，如正式簽約的話，相信栢芝產後剛坐完月，又要與老公高唱《分飛燕》兩個月。求證其經理人霍汶希，她坦言：「係有件咁嘅事，不過接唔接最要考慮嘅其實係霆鋒嘅檔期，事關早於金像獎攞獎之前，佢已簽落啲片約，好似五月中就要交人畀王晶開工，依家佢嘅工作都起碼排到明年年初。」
身價拋離陳道明
騰出兩個月時間便可賺八位數，以三十集電視劇計算，霆鋒一集約有三十餘萬「袋袋平安」，較內地一線老戲骨陳道明叫價二十多萬一集戲更多，可謂「青出於藍」，亦拋離方中信及張智霖等小生實收八至十萬一集戲「幾個身位」。原來早於年前他與張衞健合拍《小魚兒與花無缺》，當時他已穩袋約五百萬片酬，如今當了父親的他「愈生愈紅」，身價亦倍級跳，難怪栢芝放心做個「多仔婆」。
文：影視組