戴碧芝孭袋拖篋逛商場
向來鍾意小朋友嘅張栢芝，自從○七年同老公謝霆鋒生咗寶貝仔Lucas後，舊年再度有喜，依家臨盆在即已經少咗出街，專心留喺屋企安胎，就連湊Lucas返學都只靠家姐戴碧芝同屋企嘅工人。
早幾日，八太喺中環ifc見到碧芝，雖然佢當日唔使湊住細路，但佢孭住超大奶粉袋，同埋拖住個行李篋行商場，手上仲拎住件外套，感覺就唔多自在。之後見佢去咗附近間咖啡店買嘢飲，搵咗好耐先搵到個銀包出嚟畀錢。辛苦咗一大輪，碧芝都係決定坐低飲嘢抖一抖。
此外，昨日戴碧芝於中午約十二時則抱着Lucas返回霆鋒寓所，為免Lucas被拍照，碧芝全程為他遮面。