唐貝詩朋友鬧交 睇戲唔勸止

不過，早前八太喺中環見到啱啱喺英國返港嘅Lydia，同幾個朋友去咗蘭桂坊夜蒲。當晚佢哋玩到凌晨四點先捨得走，期間佢兩個男仔朋友突然嘈起上嚟，其中一個仲手指指咁起勢咁鬧，當時企喺兩人中間嘅Lydia完全冇話做和事老勸交，成個木頭公仔咁棟咗喺度睇戲。好在後尾有朋友及時上前制止，如果唔係分分鐘大打出手都未定。下咗啖氣之後，佢哋仲一齊去附近間茶餐廳醫肚。