尚皮亞望拍香港女星

《天》片曾在香港掀起「愛美麗」熱潮，導演尚皮亞相隔上一部電影《美麗緣未了》已有五年時光，他與《子》片女主角Julie受訪時，表示已非首次來港，但坦言今次時間緊迫，未有時間四處逛，他還大呻要陪老婆去購物。片中製作大量精緻的道具，尚皮亞表示未有計花了多少時間製作，但最愛向難度挑戰做到最好。他花了一年來寫劇本，每項電影細節都參與，故五年後才再有新作品上映。

女主角好身材

戲中女主角Julie經常利用軟骨功進行復仇行動，其實她不懂軟骨功：「我係搵替身做，一個俄羅斯軟骨功人，導演再將我嘅面Key上去。」現時流行製作3D電影，問到尚皮亞可有想過拍3D時，他即稱：「如果唔係呢套片太早製作，我都想將佢拍成3D，好遺憾呢！而且Julie的身材咁好，最啱做3D，哈哈！」

李安接爛攤子

尚皮亞今趟香港之行除了宣傳新片，亦出席了《亞洲電影大獎》，與女星周迅一同頒獎。他對與亞洲影星合作抱開放態度：「如果搵到個充滿故事性嘅亞洲女演員，一試無妨，特別係香港，因為我好鍾意香港。」他又讚周迅眼睛炯炯有神令他印象深刻。而Julie則指今趟認識了男星施祖男，希望能與他合作。

原本尚皮亞開拍改編自小說《Life Of Pi》（書名：少年Pi的奇幻漂流）的電影，還為故事中主角男孩及老虎弄小肖像拍了三千五百張概念藝術相片，由劇本到技術問題已花上兩年時間，成本高達約六億六千三百萬港元。他說：「成本實在太貴，所以做唔成，依家由李安導演接手，我相信佢都會面對同樣問題。」問到會否開拍《天》片續集，尚皮亞答道：「好奇怪，我昨晚才發夢有關這部戲會否有延續可能，但咪問我故事係點樣，因為仲未知。」被追問女星柯德莉塔圖會否再演愛美麗，他即露出鬼馬樣封口不願透露。

文：外娛組