陳柏宇演話劇氹長者
陳柏宇與馮曦妤日前出席「光輝歲月流金頌」活動，協助長者了解臨終安排及面對死亡問題，大會安排他們演短劇，首次現場演短劇的馮曦妤坦言非常緊張：「我細個參加講故事比賽，上到台講咗第一句，個腦就一片空白，所以我好怕會唔記得，依家好大壓力！」
陳柏宇透露爺爺於上月離世，直言面對親人離開不一定是悲傷：「其實唔需要好唔開心，可以嘗試輕鬆啲面對。平時都係大時大節先探爺爺，點知佢過身前一星期，我收到佢嘅空白短訊，於是我就打電話問佢咩事，原來只是誤傳，不過嗰日我放假所以就趁機去陪佢飲茶，真係咁啱得咁蹺。」