Toby鼻水羅仲謙硬食
梁靖琪（Toby）與羅仲謙日前為新劇《團圓》於佐敦街頭拍攝先鬧交後激吻的戲份，未知謙仔是否為激吻戲感到緊張，他在說對白時ＮＧ了數次，其後在導演的指導下才重拾狀態。
Toby及謙仔為激吻戲做足準備，試戲及排位也用了近十分鐘，務求可以「一take過」，正式埋位時二人果然已默契十足，但邊吻邊哭的Toby卻不小心把鼻水揩在謙仔的嘴上，雖然場面不太衞生，但謙仔依舊專心拍攝，非常專業！顯得十分尷尬的Toby在拍攝完成後便急急用紙巾替謙仔抹乾淨，場面搞笑。
小學生睇實
Toby表示自己被劇情帶動下令情緒激動，非常投入，至於哭得鼻水直流？她尷尬表示：「係呀，好醜怪，不過睇番個效果幾好。其實我同謙仔好熟，所以拍時都唔尷尬，反而現場有班小學生喺度望住尷尬啲！今次都算係我咀得最激嘅一次。」
硬食Toby鼻水的謙仔則表示：「嗰陣投入咗去拍戲，真係唔覺有喎！」
文：影視組