謝安琪糕招冧細路
謝安琪（Kay）昨日出席協康會慈善活動，跟智力受損的小朋友合力製作蛋糕。母愛氾濫的Kay戴上圍裙，親自指導小朋友裝飾蛋糕，期間有講有笑，事後又為小朋友抹手，十分有愛心。Kay表示去年曾經參與同樣的活動，她笑言：「舊年搞到一片混亂，不過都唔係旨在整個蛋糕，係個過程可以接觸到呢班小朋友，等佢哋開心吓，（陪囝囝玩？）我淨係自己整過，都可以試吓。」
冇機會睇騷
而陳奕迅（Eason）一連十八場演唱會已圓滿結束，問Kay有否抽空欣賞？她說：「冇呀，呢排好少喺香港，每晚都有嘢做，所以冇機會去睇，我有朋友去睇完個騷，淨係知佢唱得好夜。（佢失聲？）其實我自己都明白，做演唱會好容易聲帶勞損，但做歌手都要盡力唱好佢。」
對於有傳Eason跟太太徐濠縈婚變，Kay表示不清楚有關報道，她說：「我唔會回應佢婚姻嘅事，（問Eason係咪真？）唔會問，呢個係人哋私人事，我好少過問其他人嘅私人事。」
文：音樂組