李香琴愛心爆棚，日前出席慈善活動時與一眾小朋友相見歡，且透露私底下原來已助養六名內地小孩，不過卻慨嘆未知日後能否相見：「咁耐都冇見過，通常都係靠書信來往，我唔想畀佢哋知道，助養者原來係做戲同有知名度嘅，唔想造成佢哋驕傲同認威。」琴姐果然用心良苦。
除了助養小孩外，琴姐亦不時捐款贈予慈善團體包括兒童癌病基金會等，只為回饋社會。刻下忙於趕拍《公主嫁到》的她，坦言缺乏休息時間，搞到食欲不振，更試過與關菊英等三人分食一碟飯，才不致浪費。她自言身邊經常帶備糖果，以免再暈倒，難怪她打趣拍竣這部劇後，要再與無綫「講數」。