洪卓立壓力爆煲驚變癲

久休復出的洪卓立，日前為新曲加精選《Taste of Love》舉行簽唱會，過百歌迷現身支持，更為Ken準備心意禮物，當中包括配合其主打歌《你好嗎》MV「幸福號」車長身份的D.I.Y.巴士站、愛心斗篷等等，氹得阿Ken笑逐顏開。

籌備踏單車減壓

再次起步的阿Ken，透露由早前發布會開始已非常緊張，更日日發噩夢，他說：「成日發夢唱歌甩嘴，幾日都瞓得唔好，一路個情緒都好緊張，所以依家都籌備緊與同事去踏單車減吓壓，以前淨係識喺屋企打機。」

Ken又透露日前曾秘密落舖為自己捧場，他說：「自己買咗2隻，因為雙封面，我媽就掃咗100隻送畀內地買唔到嘅親戚。」

歌迷送上愛心斗篷，氹得阿Ken興奮不已。

阿Ken為歌迷簽名，愈簽愈開心。

專輯一度賣斷貨

阿Ken的專輯推出短短一星期，不少唱片店已經斷貨，他又驚又喜說：「從來都唔問銷量，因為成績好唔好都係要畀心機做，自己畀自己嘅壓力已經好夠，再問埋我驚會癲！」阿Ken笑言早前休息期間，令他轉變不少，他說：「以前表演會好緊張台下有咩嘉賓、高層，但依家會注重自己表現多啲。」

文：音樂組