衞蘭爆Jill 180度轉變
衞蘭（Janice）前晚現身頒獎禮，勇奪「全年最高銷量本地女歌手」大獎，Janice表示會繼續努力：「攞獎係bonus，係個大鼓勵，唔會同其他歌手比較。（點慶祝？）13日生日一齊慶祝埋啦。」
有報道指妹妹衞詩（Jill）信主後變乖，老闆黎明特赦「孖妹」增加見面，Janice說：「都係架，好早已經一齊住番，Jill好乖，感謝主，依家佢會幫手打掃，會為朋友唔開心喊，180度轉變，自己都受到感染！」問到Janice會否向黎明求情對Jill解禁重投娛圈？她說：「天安排啦，唔會諗，當然妹妹好鍾意表演，但順其自然啦。」