Jessica C.一個早餐極速氹番

混血女模Jessica C.，昨日與名模師姐Amanda S.及Jocelyn，以性感打扮出席「全新BMW5系發布會」的新車揭幕儀式。身穿YSL低胸裙的Jessica，由於裙子稍鬆致離罩，「事業線」相當突出，成功敲響「警鐘胸」，令Amanda S.及Jocelyn的身材相對失色。

吵得最犀利一次

Jessica與巴西籍男友Sergio向來愛得火熱，惟兩人日前被本報獨家拍到在中環夜蒲，卻「吵大鑊」收場。昨日Jessica為此事解畫，並笑稱：「仲以為冇人睇到，上星期五我哋蒲完，我諗住返屋企，但Sergio堅持要去飲多杯，佢嗰晚有啲醉，成個細路仔咁，所以就嗌交，最後我哋返咗屋企沖涼Cool down，然後瞓覺，第二日起身，佢都唔記得曾對我大吵大鬧，但佢答應以後唔會咁做。」Jessica與Sergio拍拖兩年多，原來今次是吵得最犀利的一次，她說：「之前試過嗌交，但今次係鬧得最勁，我好傷心，仲曾經喊過，不過佢已經道咗歉，又買早餐畀我食。」

Jessica C.由全新BMW5載着出場，加上逼爆身材，輕易成為全場焦點。

本報獨家拍得Jessica與男友早前夜蒲時當街捱鬧。

50歲後考慮整容

另外，有傳Angelababy因隆胸而令上圍升Cup，Jessica表示有留意報道：「可能佢用咗push up bra，（Baby需要隆胸？）唔需要，我覺得佢好enough（足夠）。（你會唔會咁做？）No way，我都覺得enough，而且做gym、facial同spa都可以令自己靚啲，但若然到咗50歲，我又想後生啲，或者考慮吓，但依家最想整走熊貓眼。」

採訪：專案組　攝影：馬永堅