寇鴻萍兩公婆霎時恩愛

寇鴻萍（Isabella）老公梁廷鏘（Patrick），舊年畀人影到喺自己開設嘅酒吧Fevar醉酒攬女，報道出街後，Isabella即同老公約法三章，唔准老公單獨返酒吧、唔准再醉酒失儀、仲有去親應酬都要兩公婆一齊去、一齊走，𥄫到老公實一實。
寇鴻萍席上與友人談笑風生，傾得鬼咁投入；相反老公梁廷鏘則兩頭望打發時間。
寇鴻萍席上與友人談笑風生，傾得鬼咁投入；相反老公梁廷鏘則兩頭望打發時間。

日前，八太就見到Isabella兩公婆喺中環置地廣場high tea，同場仲有幾位男女友人。期間只見Isabella同朋友傾到手舞足蹈，動作多多，鬼咁興奮；相反Patrick就得個坐字，完全唔敢插嘴，仲成日兩頭望，如果唔知佢哋係兩公婆，真係以為Patrick係搭枱咋！醫完肚之後，Isabella步出時見到記者影相，即刻主動翹住老公一齊行，任影唔嬲。

Isabella發現記者拍照，即主動翹住老公並肩而行。
  • Isabella發現記者拍照，即主動翹住老公並肩而行。