黃宗澤開腔：與杏兒關係不變

Bosco、黎諾懿、陳茵媺、林保怡昨日為無綫新劇《讀心神探》拍攝一場踢波戲，當中被指因○五年「華姐」倪晨曦介入，而與緋聞女友胡杏兒分手的Bosco，心情似未受影響，全程表現雀躍，未埋位時更與黎諾懿踢波開玩笑。

小時太肥跑唔郁

事後問到Bosco是否如報道所指，與杏兒結束五年情？他坦言不會回應，他說：「我未睇有關報道，亦唔需要睇，失實嘅報道係唔需要睇。（識唔識倪晨曦？）喺香港都未見過。」而提到今次拍攝，Bosco即滔滔不絕，表示今次踢波，勾起他小時的回憶，他說：「十幾年冇踢過波，不過到讀初中時，因為太肥，成個迷你鄭則士咁，跑唔郁所以冇踢波，今日嚟踢番夠本，踢到膝頭舊患有啲痛。」此外，在劇中與Bosco演情侶的陳茵媺，透露今次在戲中沒有親熱戲。

黃宗澤對失實報道不作回應，直言與杏兒關係不變。

胡杏兒

黎諾懿食風嗌凍

至於黎諾懿、林保怡在鏡頭後不時踢波自娛，當中黎諾懿自言對踢波麻麻地，他謂：「原本諗住嚟做運動，點知一滴汗都冇出，仲吹咗成日風，所以有啲凍。」

昨晚黃宗澤返電視城開工，對分手報道繼續不回應，揚言不是事實，表示與杏兒關係不變。

文：影視組