阿嬌勇往直前唔踩brake

前日阿嬌為「單飛」EP《人人彈起》舉行首場簽唱會，吸引數百人圍觀，三百多歌迷排隊簽名，英皇娛樂行政總裁吳雨、英皇唱片及藝人管理部總監霍汶希（Mani），分別送上無煞車掣的單車及氣泵予阿嬌，寓意阿嬌事業永不停步，沿途會為她不停打氣。

食多咗要減肥

阿嬌接受訪問時，不諱言曾為新碟成績擔心，現得歌迷支持如打了強心針。而其「頭炮碟」將不會獨立發售而跟Twins的精選碟一併推出，她表示：「係想為四月嘅演唱會做熱身，同埋唔想出現『自己打自己』嘅情況。」她說有信心可再推出個人碟，以Twins名義出碟亦沒有問題。

阿嬌將全情投入Twins演唱會的綵排，她謂：「我之前成日喺大陸拍戲，因為天氣太凍，食多咗嘢，依家我要積極減肥。」不過她謂不會打botox修身，只會做運動減肥，Mani亦補充說，因botox針不可打得太密，故阿嬌將採取做運動及纖體機雙管齊下減肥，她自信十足說：「到時一定好fit，係fit出嚟。」

阿嬌在大陸拍戲食多咗，要積極減肥。

吳雨及Mani分別送上無煞車掣的單

認阿Sa另一半

雖然阿Sa未有到場撐阿嬌，但阿Sa突爆「先婚後分」，問阿嬌可擔心阻礙Twins的事業發展？阿嬌不假思索說：「冇諗過，我完全support佢。」她又語重心長謂：「人生不如意事十常八九，每個人都會遇到好多唔如意嘅事，但每件事都會有得着同成長，過去由得佢過去。」阿嬌又說感激人生最低潮時，有公司、屋企人、朋友、眾多人支持，她才可再站起身：「我冇諗過可以有今日，繼續出嚟開演唱會、出唱片，身邊人冇放棄過我。」她不覺得阿Sa的事會影響Twins，更發表愛的宣言謂：「我係佢（阿Sa）另一半。」

採訪：音樂組