中基：佢唔係咁嘅人

唔想再有不實報道

事業得意的Ronald感情失意，昨明顯搽了厚厚的粉底，但仍難掩憔悴面容及眼腫腫，在台上講述首部電影獲票房過億時，笑容仍見牽強。對傳出阿Sa因為富家子而與他離婚，Ronald兩度澄清離婚不涉及第三者：「上次已經交代咗，我話咗完全冇第三者，希望畀啲空間我哋，日日都有新鮮嘢喺報章，唔知點答，希望唔好再有不實報道。（阿Sa話有內鬼爆料？）唔知係邊個。（會唔會怪對方？）會唔會怪？我都唔知點答，其實呢個已經唔係一個問題，我哋已經出咗嚟交代，要講已經講晒，我要再講一次係冇第三者，亦唔相信阿Sa係咁嘅人，唔想有咁多無謂新聞，而冇人理我哋嘅工作，我哋都好困擾。」還表示日後不介意與阿Sa合作。但問到愛的紋身時，Ronald只禮貌地回答：「多謝。」

昨日導演劉鎮偉率女星孫儷等出席答謝會，他更搞笑地代表記者向Ronald發問「你幾多歲？」及「鄭媽媽姓乜？」而前晚Ronald出席成都榜中榜時，他被問及與阿Sa離婚的事時，即有工作人員代為解圍，問他心情如何？Ronald說：「心情唔錯呀！」說完即遠離記者，反而與孫儷在台上一唱一和，借感情傳聞為電影宣傳。