霆鋒奪最佳男配角 隔空謝栢芝
謝霆鋒與惠英紅在昨晚的第四屆亞洲電影大獎中，贏得「最佳男、女配角」獎項，霆鋒領獎時不忘冧老婆張栢芝。而「最佳男、女主角」則由內地演員王學圻及韓國女演員金惠子奪得，內地導演陸川則憑中國電影《南京！南京！》登上「最佳導演」寶座，南韓電影《骨肉同謀》則捧走「最佳電影」。
霆鋒心情輕鬆說：「多謝太太，我成日拍戲唔喺屋企，佢都冇詐型，lovely baby，cares。」霆鋒在後台續道：「我未打電話畀太太，都冇SMS，冇帶電話喺身，（BB旺你？）都未出世，關事嘅咩？我冇諗過攞獎，我同自己講，入到圍就嚟坐三粒鐘。」歸心似箭的霆鋒，搶在慶功宴開始前即抵達，亮相後即趕返家報喜訊。
惠英紅攞獎亂晒龍
贏得最佳女配角的惠英紅表現激動，她說：「我心跳好快，冇諗過上台講咩，多謝導演、徐天佑同台前幕後，低成本拍出超水準。」惠英紅在後台說：「我喺台上亂晒龍，感覺好似第一次攞金像獎，好似連導演名都講錯。」
影帝王學圻說：「謝謝評委、陳可辛、陳德森及支持《十月圍城》（中國/香港）的朋友，若無片中演員們的精彩演出，我不會得獎。」
「最佳新演員」黃明慧則以《心魔》（馬來西亞/香港/南韓）擊敗李宇春，現場大批宇春fans得知偶像落敗後即鴉雀無聲。黃明慧說：「這是我首個國際獎項，多謝惠英紅和徐天佑。」張藝謀領取「亞洲電影傑出貢獻大獎」後說：「我對自己每次表現都不滿意，希望亞洲電影有更好發展。」