祥仔扮嘢玩寸城中人物

節目開始王祖藍以誇張服飾扮「Lady Tiger」載歌載舞；李思捷則扮「張鐸友」，無論聲線及小動作皆似足歌神，阿姐在台上向「鐸友」笑說：「你之前部《72家租客》好收得，你梗係要多啲上嚟呢度啦，起碼收視都過兩點啦。」明寸張學友早前亮相亞視。

反串「Under Girls」

但最令觀眾驚喜的是阮兆祥戴上假哨牙及黐上光頭扮「陳棍聰」，又唱出改了歌詞的《誰可改變》：「風水癡戀……有山窿要掘……同你合照開心影相，你真的靚絕……誰話我不愛人、愛錢……誰想討厭。」令人笑破肚皮。自言造型是「小忌廉」的阿姐問：「咁耐唔蒲頭呀？」「陳棍聰」說：「我呢排喺屋企種嘢呀，種花、種田。不過，種錯咗嘢，種蕉（中招）。之後仲畀啲蕉皮跣親。」其後王祖藍、阮兆祥、李思捷等又「肉光四射」扮「Under Girls」（Wonder Girls）載歌載舞唱大熱歌《Nobody》，令人捧腹大笑。

（左起）阮兆祥、阿姐、王祖藍、李思捷齊齊扮嘢。

祥仔扮「陳棍聰」不怕敏感。

絕無醜化不覺敏感

問祥仔扮嘢可否覺得敏感？他說：「冇嘢啩，都冇講乜。向來扮嘢都唔係醜化人，只求有共鳴同和諧。」古巨基除了即興以盧冠廷唱腔大顯扮嘢本色，又出IQ題考阿姐「咩鷹最怕阿姐？」阿姐當然識答：「羅家英吖嘛。」

採訪：影視組