羅嘉良低調免招搖

不少香港藝人經常返大陸拍劇或登台,經常北上搵銀的郭羨妮為保障自身安全,聲言寧願選擇留在宿舍休息:「試過返大陸拍劇三個月,開完工都唔會出街,因為環境、語言唔熟悉,發生危險機會較大。我最多都係去附近超級市場買嘢,但都搵埋當地助手陪行,始終有個地頭蟲感覺好啲。」又說過時過節與劇組人員可以包場慶祝,因不會有陌生人,可以玩得開心點!

曾傳在番禺遇襲的楊思琦,強調返大陸登台會格外小心,因大陸fans較熱情,有時會衝上台或攬或拖偶像落台,幸每次都有保安人員阻止。而近年多留在內地發展的羅嘉良,已盡量少去應酬,但亦曾遇過邀飲酒事件:「飲少少囉,唔飲又尷尬,但又唔可以飲太多,最重要係用平和態度去處理。」

他建議開設私人房間,避免在夜店內太過招搖。