農夫成員C君與林珊珊女兒李澄分手後，近日被拍到與一名長髮女子出雙入對。日前約晚上9時，C君再被發現與該長髮女子在銅鑼灣一間餐廳醫肚，起初二人坐到離行離列，但當食至尾聲，店內只剩餘一、兩枱客人時，C君即「移位」坐到對方身旁，愈傾愈埋，更逗得女方不時甜笑。
事後問C君該女子是否新女友時，他說：「唔係，係普通朋友，我依家單身。（多約女仔出街？）梗係會啦！爭取多啲發展機會，有拖拍個人都開心啲！」
