Theresa恨生三個
傅穎（Theresa）昨日出席「黃金海岸3‧14謝謝你的愛」活動，與香港黃金海岸酒店酒店經理韓鵬程、信和物業管理有限公司（商場推廣）總經理蘇蔡潔蓮、信和集團租務部副總經理田兆源及香港黃金海岸總經理黃錦棠攜手慶祝白色情人節。
穿上吊帶裙的Theresa在台上險出洋相，短裙被大風吹起，嚇得她即刻用手撳住，事後她笑說：「我都好擔心，我有着打底褲，仲係上次嗰條。」席上聽到三對恩愛的準爸爸媽媽發表愛的宣言後，Theresa即當眾笑說：「我都要早啲結婚，Sweet Sweet。」原來Theresa早就為未來計劃好，希望將來生夠三個BB，她笑說：「有相士話過我三個。」
呻情人節冇禮
恨拍拖恨到出口的Theresa直認身邊有追求者，將來拍拖她必定大方公告天下：「睇定啲先，唔係識好耐，但都追咗一段時間，（圈內定圈外？）唔講啦。」她直言從未試過有浪漫的情人節，寄望明年找到結婚對象，她說：「唔想拍散拖，好傷心，（今日佢有冇表示？）冇乜，白色情人節係回禮，但之前情人節都冇乜實質收禮物。」
冇拍過叢培崑
對無綫高層陳志雲、錢國偉涉貪被廉署拘捕，Theresa說：「喺工作上見過陳生，但錢國偉嘅節目就上過，無論點都希望佢哋冇事。」有傳鄧麗欣初戀男友正是有份被拘捕的陳志雲私人助理叢培崑，她說：「我唔知道，我唔識佢，印象中都冇接過佢公司嘅工作，（有冇試過被壓價？）價錢通常係公司傾。」
文：音樂組