楊愛瑾死忍不忠丈夫

楊愛瑾（Miki）昨與名模Mandy Lieu性感出席《白色情人夢@海港城》活動，吸引不少龍友圍拍，並雙雙透露昨日的白色情人節均未收到異性送的朱古力。Miki受訪時被問到舊戰友鄧麗欣（Stephy）被傳與涉貪污被補的叢培崑曾拍拖一事，她稱：「我冇聽佢講過，大家都唔會問起初戀，我唔識佢（指男方），亦唔會問，都唔知係咪真嘅！（Stephy否認？）睇完就算，每個人都有過去！」另外，Miki透露將演出舞台劇：「我飾演一個有不忠老公嘅太太，如果現實遇到呢個問題，又有小朋友嘅話，都要死忍，唔想小朋友冇咗爸爸！」