阿Sa踢爆陳偉霆瞄胸

蔡卓妍（阿Sa）、吳君如、詹瑞文、陳偉霆（William）、梁政珏、高海寧及李曼筠（動漫Maggie）等昨日出席新片《美麗密令》的宣傳活動。阿Sa自爆在《美》片中奉獻了第一次，於鏡頭前穿起三點式泳衣，問到跟多位身材出眾的女演員一同穿泳衣可有壓力？阿Sa表示：「完全冇，我係最特別！有一場講我個頭畀啲女演員夾住，全部男工作人員都望住，我唔信William冇望。」身旁的William聞言後尷尬承認自己有看，但死撐是怕女演員整損阿Sa塊面。至於阿Sa可有特別感覺？她說：「都幾軟熟。佢哋（身材出眾的女演員）有嘅我都有！」

阿Sa自稱有身材，即被William（左）嘲笑。
阿Sa自稱有身材，即被William（左）嘲笑。

至於君如則大爆王晶多年來也喜歡戲中的女演員以泳裝上陣，她表示：「以前張曼玉、李美鳳嗰啲都有着三點式，我就一件頭封頸。（你着泳衣收貴啲？）其實我唔抗拒着嘅，我條『事業線』都好強架！」

詹瑞文即場教吳君如擺甫士，場面搞笑。
  • 詹瑞文即場教吳君如擺甫士，場面搞笑。
梁政珏（左起）、動漫Maggie及高海寧性感上陣，頗為搶鏡。
  • 梁政珏（左起）、動漫Maggie及高海寧性感上陣，頗為搶鏡。