王賢誌爆女高層收貴袋

昨日現身馬場支持父親愛駒的王賢誌，對於陳志雲被釋放返家，他笑說：「我朋友住喺佢隔籬座，佢話樓下好多人，連出車或搭的士都有問題，我仲問佢望唔望到陳志雲屋企，佢話望唔到。（短訊慰問陳志雲？）冇，唔會無喇喇咁做，人哋又咁煩。」

問到叢培崑有否找他工作？王賢誌笑說：「唔會搵我啦，咁多愛將，我又唔係TVB人，唔需要搵我。我呢幾年做自己公司嘢，但我有撞見過叢生。（有傳你好友湯盈盈接受調查。）我哋有通電話，傾幾句閒偈，佢冇提過接受調查，我會問吓佢。」

冇人捧有原因

對於有傳叢培崑與藝人接洽工作時會壓價，王賢誌謂：「有時同幕後或主辦商熟啲可能會收平啲，又或者friend啲唔收，好難講係咪壓價。（傳叢培崑賺埋無綫嗰份。）唔知，我都離開咗三年。」

有傳高層收厚禮也會受廉署注視或調查，王賢誌大爆內幕：「我從來唔送禮物，因為好核突，好似有啲人中秋節會拎月餅上監製房派，好似抓撈咁，又或者送Hermes名貴手袋畀女高層，我真係做唔出，我頂多係喺canteen撞到請飲杯嘢。」

王賢誌續說有人為上位而送禮不足為奇：「呢行咩人都有，出面好多公司都係，有人想上司賞識而送禮，今次係透明度高先至大家關注，我唔會送，只會敲吓監製房門問有咩嘢啱做，紅唔紅都會咁做，我依家先知原來超過五百蚊嘅禮唔收得。（你以前唔知？）我都唔送禮物，唔怪得我唔紅又冇畀人捧！」

同時現身馬場的無綫製作部（非戲劇製作）總監何麗全，被問到有否短訊問候陳志雲及有否接受調查時，只搖頭微笑不作答。至於陳百祥則說一直在橫店拍戲，對事件毫不知情。

陳百祥偕黃杏秀現身馬場，對於陳志雲被捕表示不知情。

何麗全對記者提問不作回應。

停播敏感劇集

另外，無綫原定在十八日上午十一時四十五分起重播舊劇《廉政行動2004》及○九系列，但臨時改播《聊齋》（貳），無綫外事部副總監曾醒明坦言：「呢個敏感時期，唔係適合播放嘅時機。」

有傳無綫因發現近月過廿萬的外判合約大幅減少，覺可疑而揭發事件。曾醒明表示對所有傳聞都不作回應，免影響廉署調查。但他澄清，無綫並非因陳志雲失寵而將《志雲飯局》的送禮部分及錄影前記者會取消：「冇安排記者會，係因為有啲嘉賓唔想受訪。」問到電視城何時解封？他表示將在今日下午開會再決定是否解封。他續稱曾聯絡陳志雲，但對方傳呼機已停止服務。

文：名人組