「雙詩」各撐好友有實力唔使擔心
陳志雲被廉署拘捕，愛將包括鄧健泓、崔建邦等即時「失勢」，二人的「好朋友」李詩韻、唐詩詠繼續力撐。李詩韻承認與鄧健泓有聯絡，但沒有深入傾陳生的事。又說鄧毋須擔心太多，他有的是實力，歌曲《朋友二號》Hit時都未識陳生。有說志雲幫落難？她說：「佢OK，遲啲會出碟又拍劇。（你有冇畀人壓價？）經理人同我接工作價錢會『企硬』，除非係慈善活動，陳志雲都冇要我『拍膊頭』演出。」
唐詩詠透露沒有與廉署人士會面，但坦言擔心陳志雲、錢國偉，望事件快過去，她大讚陳生是好上司、好前輩，指兩人都是不計較錢的人。過去唐詩詠曾與陳志雲同出席活動，由公司接洽，她相信價錢合理，未被壓價。有指崔建邦難望翻身，她力撐好友說：「咁講抹殺佢之前嘅努力，相信佢有能力復出。（志雲幫失勢？）咩幫派都唔使擔心，都係幫公司做嘢。」
鄭嘉穎也說未有助查，他跟陳志雲是否熟落？他說：「佢係我老闆。（你係樂易玲派？）陳生都叫我金叵羅架，我係簽約畀公司。」