基仔認精壯唔憂造人
古巨基與官恩娜昨日出席基本法活動，做足功課的「古Sir」未怕被考起，他說：「做咗古Sir之後出席活動之前都會做咗功課，試過畀小朋友IQ題考起。（問你性知識？）又冇，但我同5歲個姪女好老友，唔排除第日佢會問我。」基仔坦言曾有閃過當爸爸念頭，但迅速被事業心打倒，亦不擔心年齡影響造人計劃？基仔說：「依家仲係男人最健壯期（女友呢？）（停頓片刻）邊有女友！（將來？）將來先算。」
官恩娜表示早前身在台灣亦有留意「犀利哥」報道，她說：「真係幾靚仔，但要睇真啲，唔係鼓勵人做乞丐，應該搵份工，但流落街頭都可以咁型，真係服咗佢，有機會都想合作，但一定要沖涼！」