昨日謝婷婷捱冷貪靚，以鮮紅色miu miu長裙出席「周大福黃金藝術珍品展」活動，演繹總值約十五萬元的足金龍鳳首飾。婷婷表示於大年初一和男友安志杰到父親謝賢家拜年，之後再到母親狄波拉家吃飯，笑言母親煮了一頓恍如六星級餐廳的大餐，當中有翅、鮑魚等。「Daddy用電腦剪輯咗啲我同霆鋒細個唱譚詠麟同梅艷芳歌曲嘅video嚟播，之後栢芝同埋Lucas都嚟， Lucas着晒中國衫有條辮好得意，又好嗲霆鋒，佢仲係第一次叫我做姑姐，平時只叫我做姐姐，搞到我冧晒。」
另外，婷婷不肯透露男友送她甚麼情人節禮物，反問她送甚麼，她忍不住笑說：「係餐飯，出去食，（學煮嘅？）媽咪都會教，但我驚畀佢鬧，佢教教吓冇心機就會鬧。」