81年仍是足球員的尹佬初次涉足影壇，拍攝由李修賢及周潤發主演的電影《執法者》，正式展開演藝生涯。尹佬曾拍過十多套電影及電視劇，直至92年發現患上鼻咽癌時曾一度暫停演藝工作，至93年健康稍為好轉再復出接拍《至尊三十六計之偷天換日》。尹佬曾與周潤發、陳慧琳、洪金寶及李修賢等合作過，亦曾接拍劉偉強執導的《無間道》電影系列。

對於尹佬的死訊，曾與他在《執法者》中合作的發哥透過助手回覆道：「唔開心嘅嘢唔想多講，所以冇回應。」而曾跟尹佬合作過《無間道III終極無間》的陳慧琳則表示：「雖然冇對手戲，聽到呢個消息好唔開心，希望米雪可以節哀順變，堅強面對。」至於《無》的導演劉偉強則說：「聽到呢個消息好心噏，我以前好鍾意睇佢踢波，之後有機會同佢合作拍戲，好開心，佢好勤力同用心去演，成日攞劇本同米雪去研究，佢哋真係好恩愛。」

剛從柏林回港的成龍，聽到尹佬離世大感愕然，靜默一陣子後說：「對佢嚟講係一種解脫，我同佢都好耐冇見，希望佢家人節哀順變。」而曾於《東方禿鷹》中跟尹佬合作的洪金寶（三毛）大讚對方是一名好好先生，而且樂於助人，他又透露上年曾與尹佬見面，得知對方死訊後心情難以平復。而跟尹佬合作過的王晶及李修賢則大呼可惜。

陳慧琳希望尹佬女友米雪能節哀順變。

劉偉強

任達華一切在心中

早年有指李麗麗是尹佬的契姐，但李麗麗就否認說：「我哋冇正式上契，只係當年拍《101拘捕令》佢口頭叫我家姐。」她對於尹佬逝世表示難過。而與尹佬相識接近廿載的任達華，對消息大感愕然：「我識咗尹佬十幾廿年，大家結伴過咗人生最開心嘅時光，過年前仲同佢一齊玩過，我會為佢祈禱，一切在心中。我過兩日會由英國返香港，到時都會聯絡米雪，睇佢有乜可以幫手，不過米雪係個好有計劃同安排嘅人，我都好放心。」

文：影視組