尹志強在圈中人緣極廣，對後輩提攜有加，一向支持明星足球隊的李珊珊，盛讚尹佬對足球貢獻良多，她說：「真係好可惜，尹佬對足球貢獻好大，佢無分彼此，總之熱愛足球嘅都係朋友。」珊珊更大讚尹佬是位好前輩：「佢好照顧同幫助後輩，經常畀意見我哋，令每個人都開心，佢對朋友好好。（米雪呢？）明白呢個時候唔方便打擾佢，希望透過你哋作出問候。」
同屬明星足球隊一分子的余少寶，得悉尹佬離世消息不禁聲淚俱下：「尹佬好錫我，我當佢係哥哥。佢同病魔搏鬥時，意志好好，我同佢識咗16年，啱啱入明星足球隊已經識佢，佢話我性格唔適合娛樂圈發展，仲做媒人介紹男仔畀我。」晨曦會長周文亮說：「尹佬早年是晨曦B隊的成員，大夥兒到內地參與慈善活動，他總是最熱心、最投入的一個！尹佬不論對大老闆還是清潔阿嬸，都會非常尊重對方，以禮待人。」