尹志強熱愛足球，與香港著名教練兼資深足球評述員、有「金句王」之稱的黃興桂（Peter）是好兄弟，Peter驚聞相識36年老友病逝，非常難過。在他眼中的尹佬是「打波威猛、做人正面」的生命鬥士、與女友米雪相戀26年恩愛如昔，從沒有嗌交、對朋友和家人更是絕頂好人。Peter發揮金句王本色，以「有今生、冇來世」總結與尹佬這位良師益友的感情。

米雪通情達理

Peter與尹佬相識於1974年，熱愛運動而成為好友，於83年任足球隊教練的他，曾與尹佬「同居」，合租沙田第一城，至尹佬與米雪需拍拖，Peter不欲做「電燈膽」便醒目地搬往沙田村屋，後尹佬得悉Peter所住的村屋上層招租，便搬往與Peter分住樓上樓下。Peter還大讚米雪：「識晒尹佬所有女友，米雪最通情達理、最好，尹佬冇揀錯人。廿幾年嚟冇緋聞、冇嗌交。尹佬有病，佢照顧得無微不至，拍完劇好攰仍去醫院陪伴，仲周圍搵藥。兩個都辛苦，但從來冇怨天尤人，令我深深體會Life must go on，我以尹佬為傲！」

雖然已移居新加坡，但Peter仍每月回港探望尹佬，他說：「尹佬病後最大興趣係賽馬，我哋成日傾馬經，一個月前見佢仍然好有spirit。呢次say goodbye，對米雪、佢家人和朋友都係一種解脫！」

左起：阿叻、黃興桂、阿倫及尹佬同樣對足球抱有熱誠。	黃興桂對於相識三十六年的尹佬離世十分哀傷。	尹佬近年醉心於賽馬娛樂。

城城惋惜難過

90年尹佬與阿叻、譚詠麟、曾志偉、黃日華和羅家英等組成「明星足球隊」，善心爆棚的尹佬經常率領隊友做善事。波友郭富城昨日得知尹佬不幸病逝，感到非常惋惜，他難過地說：「足球界失去亞洲第一中鋒，好惋惜同難過，希望尹佬一路好走，佢嘅家人節哀順變。」身在美國的阿叻亦傷感地說：「對尹佬嚟講係一個解脫，都拖咗咁多年啦！」

隊友張國強與尹佬識於微時，他傷感地說：「好唔開心，同佢有好多回憶，冇喺醫院陪佢最後一程，聽講佢去得好安詳。」他又表示稍後與明星足球隊開會，商量尹佬身後事。

而隊友兼有線娛樂台主播衞志豪表示，一個月前曾探望尹佬，他說：「當時佢唔可以落床，精神幾好，有聽賽馬。（對他的死訊感愕然？）有晒心理準備！（米雪呢？）每次託米雪問候尹佬，佢都話大家有心，從來唔會表現傷感，佢好堅強。」他感激尹佬教了他很多人生道理。此外，據知身在外地的曾志偉及譚詠麟已接獲尹佬的離世消息。

文：專案組