互講拍拖結婚：

尹佬：「我係一個感情專一嘅人，我有兩個願望，一係同米雪結婚，二係領養孤兒，同埋喺內地建學校。」

95年米雪生日，尹佬特意送上一頭得意小狗，米雪由不喜歡隻狗，到習慣牠的熱情，一如尹佬對她的感情一樣。

05年米雪生日，尹佬特意花38萬買了一匹駿馬並取名「晨曦映雪」，因為米雪覺得晨曦時分有隻馬在雪地跑好靚，最重要都係個「雪」字。

09年米雪曾說：「年年我生日佢都送一隻婚戒畀我，今年佢送嘅呢隻包滿鑽石，可以當鏈墜戴。」

「佢最叻『補飛』，好似約朋友出去飲酒、打牌晏咗，就會買糖水返嚟，有時仲係燕窩，我見到都心甜啦！就會諗：『算你啦！』」

尹佬患病後：

尹佬：「要告知親人呢個消息好難開口，後尾先決定同至親一齊面對！」

米雪：「嗰時感覺到生離死別原來係咁接近，不過之後見佢病情有好轉，嗰種開心一世都唔會忘記。」

07年米雪說：「服侍佢、心靈上支持佢，盡量令佢開心，依家病好咗都要照顧身體，不過佢好唔聽話，一落機又想周圍去，我擔心佢身體疲勞，講到尾我好似係欠佢一啲嘢啦！」

09年米雪說：「我最近出去拍劇，都有思鄉病，一出去就掛住香港、掛住佢。」