軒仔首次跟紅館萬多人一起倒數迎接大年初一，他說：「我哋邊唱賀年歌邊倒數，仲同啲舞蹈員燒假炮仗添，氣氛好熱鬧，好多觀眾仲塞利是畀我，真係好開心！」軒仔全晚共收到過萬元利是，並笑言：「唔怪得阿倫（譚詠麟）年年新年都開騷啦，等我都學佢揹個袋落台𢭃利是先！」軒仔計劃將利是錢捐到慈善機構幫助有需要的人，希望大家都開心過新年。此外，前晚鍾舒漫、徐子珊、裕美及軒仔的親友亦拉隊前往捧場。