彭氏夫婦相戀七年修成正果，心潔完婚後向傳媒發出新聞稿，赫然發現彭順早已育有一女欣欣。記者昨與彭順取得聯絡，他大方坦承：「我早年喺泰國識咗個當地嘅女仔同居，佢幫我生咗欣欣，不過後嚟我哋性格不合協議分手，我因為唔想自己有所遺憾，決定攞番欣欣嘅撫養權。」

五日換取五十年

作為「帶子洪郎」，彭順在擇偶上無疑添上難度，直至遇上心潔，才明白何謂真愛：「佢為咗照顧我個女而留喺香港三年，當時其實係佢事業衝刺期，加上我又去咗美國拍嘢，佢為我嘅犧牲可想而知。」至欣欣五歲，彭順索性將她送到馬來西亞求學，跟隨心潔一家生活，心潔媽媽對欣欣更「視如己出」，令彭順心懷感激。

問到與心潔可有因囡囡關係而影響感情？彭順說：「我鍾意心潔，當然想佢開心，但見佢為咗照顧囡囡咁辛苦，我好難受，我哋分開過五日，之後發現唔可以冇咗大家，所以決定喺番埋一齊。當時我同心潔講：『呢五日換回我哋嚟緊嘅五十年』。（有乜愛的承諾同老婆講？）人間有愛，只要有愛就乜都唔使驚，我會以雙倍嘅愛回報番佢。今晚（即昨晚）我都準備咗說話去多謝心潔同外母。」

欣欣現年九歲，當年心潔不時被香港傳媒發現手拖小女孩出街，一度被指是「未婚媽媽」，然而心潔卻坦然承受，為了彭順和欣欣，她無聲地嚥下這些閒言閒語。

隨着彭順與心潔於馬來西亞幸福島行禮，以後大可光明正大享受一家三口的天倫樂，而欣欣昨戴上與心潔同款的頭紗跟父母合照，三人笑容一致，幸福溫馨。

收金器收到手軟

一對新人昨選擇中午十二時行禮，由於時間緊迫，故接新娘的遊戲也只簡單了事。原來彭順和李心潔都生長在大家族，彭氏有十兄弟，單是親戚已可坐滿十席，難怪心潔這位初歸新抱，被取笑收金器也收到手軟。

昨晚婚宴後，一眾親友將於今早分批離開，一對新人則會留到年三十晚左右才離開小島，在馬國逗留至年初五才結束「甜蜜之旅」。

文：影視組