有「翻版蔡依林」之稱的○九女新人Enya，日前接受《娛樂on Show》主持人陳振安和俞詠文訪問。自○六年開始學鋼管舞的她，因在卡拉OK唱歌而被發掘，經理人認為Enya識唱識跳是可造之材。Enya說：「我好想將跳鋼管舞融入歌曲，覺得又唱又跳好特別，同埋我好鍾意表演，希望可以帶畀觀眾新鮮感。」

謝依穎示範倒掛擘腿，非常高難度。	因不斷練習，謝依穎笑言雙腳經常受傷。	兩位主持與謝依穎在鋼管前合照，表情趣怪。

鋼管隨身

Enya自學習跳鋼管舞後，經常要帶着鋼管四圍走，更視它為「男朋友」。她說：「其實初時學嘅時候屋企人都會反對，見到我對腳瘀晒。不過後來我同佢哋解釋鋼管舞嘅起源之後，佢哋就開始明白。同埋跳鋼管舞都係一樣體操式嘅運動，我都好想可以將佢發揚光大。」

男友介意

主持人問Enya以前的男友會否介意她跳鋼管舞時，怕醜的Enya即面紅紅地說：「雖然佢哋會覺得sexy，不過都會驚，會叫我小心啲，其實都唔係好贊成。」最後Enya更即席在錄影廠跳鋼管舞，令兩位主持人大開眼界。

文：專案組　攝：秦健輝