影壇新人Greg被「譚校長」阿倫盛讚是型男金城武及黃曉明的混合體，他未感壓力謂：「唔覺壓力大，只係覺得校長好搞笑、專業同認真，只要佢睇到我用心做嘢就得。而且佢會提點我，仲會做埋畀我睇。」

鍾情怪女生

Greg有幸在多套電影中演出，在新片《美麗密令》中更與高海寧及梁政珏等「咪神」交鋒，不過他埋首工作，對緋聞大無畏：「喺片場度大家會一齊玩，但平時唔會約出嚟，我好清楚自己係做緊嘢。」對「咪神」無興趣的他反而欣賞對手楊千嬅：「喺《財神到》同千嬅合作，佢個人好爽，平時唔出聲，但一出聲就一矢中的，而且佢畀人個感覺好開心。」

可惜楊千嬅已成為「丁太」，加上Greg對台灣美眉情有獨鍾，在港的確難惹緋聞。他說：「香港女仔比較獨立，我鍾意台灣女仔多啲，因為我鍾意照顧人。」他自稱喜歡想法奇怪的女性：「我唔鍾意啲着重物質嘅女仔，反而鍾意諗嘢怪啲嘅人，而且要有主見，亦都鍾意寫blog文字好詩情畫意，好細膩嘅女性。」

雖然與新「咪神」高海寧合作，但王宗堯無懼與對方傳緋聞。	高海寧（資料圖片）	譚詠麟點名睇好王宗堯，上位有望。（資料圖片）

煮食有一手

Greg常與校長在足球場上較勁，外表斯文的他自認波牛：「我喺台灣返咗嚟冇幾耐，畀校長徵召去踢波。佢覺得明星足球隊需要新血，而我又好肯去追波，落場時可以話係波牛。」不過他亦有「住家男」的柔情一面：「我整嘢食好食㗎，同女仔最浪漫嘅時候，就係用誠意煮一餐畀佢食。」

文：專案組

服裝：Energie