樂隊Mr.獲國際品牌COCA-COLA ZERO邀請出任香港區代言人，早前五子為品牌拍廣告，由於要為三月演唱會及新碟宣傳，不時趁空檔休息「叉電」，其中低音結他手Dash更倦極睡着，他說：「真係太攰啦，拍廣告之前嗰晚都係瞓得兩個鐘，其實我係邊拍廣告邊填詞，點知攰到瞓咗。」
Dash笑指當日的造型是「古代武士」，他更搞爛Gag說：「係呀，因為我個人『冇事』吖嘛，哈哈！」而Ronny及Tom充當「指導員」，不時在電腦前研究眾人甫士，愈影愈生猛的Mr.更參考台灣樂團的型仔甫士，大做誇張搞笑動作，令現場充滿歡樂氣氛。
